Das ist die Seite von Gustav Freudmann / Mei Liadabuach
Waunnsd du gehsd dein Weg und i geh mein(Most Likely You Go Your Way And I’ll Go Mine/Bob Dylan) Du sogsd, du liabsd mi und du sogsd, du dengsd aun mi vü. Nua, du waaßd, vülleichd is des goa ned woa. Du sogsd, dazöhd häsd, dossd mi imma ghoidn gean häsd. Nua so schdoak bisd du ned in zehn Joa. Heasd, i kau nimma weida wia bishea und bedln wia_r_i sicha_r_a nimmamea. I loss di geh dahi. Und daunn geh i. Und mia wean scho seng, wea auf da Ead is gleng und wea is zruckbliebn und duad schrein. Waunnsd du gehsd dein Weg und i geh mein. Du sogsd, du schdeasd mi und du bisd jo goa ned weadt mi. Nua, du waaßd scho, dossd maunchmoi liagsd. Du sogsd, di zaubads und du häsd gean, jeda glaubads. Nua, du waaßd, dossd di ned grod vabiagsd. I kaunn mi kimman nimmeamea jedes Moi und i kaunn a sei nimmamea iwaroi. I loss di geh dahi. Und daunn geh i. Und mia wean scho seng, wea auf da Ead is gleng und wea is zruckbliebn und duad schrein. Waunnsd du gehsd dein Weg und i geh mein. Da Richdta, dea hod auf di an Bick, und drahd fleißich aun dein Schdrick. Nua isa schlechd beinaund, hod an Schdock in jeda Haund. Doss eam ned haud auf in Schdaund! Du sogsd, es duad da lad, dossd hosd deine Gschichdln gschdraad und gwussd, i glaub a jedes Wuadt. Du sogsd, es woa ned schwa zum Griagn an neichn Gschamsdara und des glaub i da sofuadt. Du sogsd, i dua ned schmusn so wia ea. Warums so is, des heasd vo mia nimmamea. I loss di geh dahi. Und daunn geh i. Und mia wean scho seng, wea auf da Ead is gleng und wea is zruckbliebn und duad schrein. Waunnsd du gehsd dein Weg und i geh mein. |
© Gustav Freudmann 2016, 2017, 2018, 2019, 2020, 2021, 2022, 2023, 2024 |